- “LILAZKO MARTIA, EMAKUME IDAZLEAK” LEHIAKETA
Aurten ere, Zamudioko Udal Liburutegian,
eta Zamudioko Udalak bultzatuta, “Lilazko Martia, Emakume Idazleak” lehiaketa
martxan jarri dugu. Martxoan zehar, emakumezko idazleen liburuak, edo emakume
eta berdintasunari buruzko materiala jasotzen dituzten guztiek zozketa baten
parte hartzeko aukera izango dute.
Bi kategoriatan banatzen da: gazteentzat (13-17 urte
artekoentzat) eta helduentzat (18 urte gorakoentzat).
Parte hartzen dutenen artean (heldu zein gazte) “Zamudioko
Liburudendan” gastatu beharreko 40 euroko txartela zozketatuko da.
Zozketa publikoa izango da, Apirilaren 8an, 18:00,
Zamudioko Udal Liburutegian.
- “EMAKUME IDAZLEEN GIDA”
Martxoan zehar, “Emakume Idazleen Gida” izango duzu eskura,
emakumeek idatzitako edo emakume eta berdintasunari buruzko proposamenekin,
lehiaketan parte hartzeko.
- “GORPUTZ OSOKO IPUINAK” UMEENTZAKO IPUIN SAIOA
IZASKUN MUJIKA
“Kandida oso neska zintzoa da, denak daude pozik berarekin.
Denak, Kandida bera izan ezik. Ez da
sentitzen eta pentsatzen duena adierazten ausartzen eta ez da bere burua
defendatzeko gai sentitzen. Egun batean dena aldatzen da Kandidaren bizitzan, berak
esaten ez duen guztia bere gorputzean jaiotzen den bigarren aho batek esango
baitu…”
Genero berdintasuna, auto-estima, elkarrenganako
errespetua, besteak beste, jorratzen dituzten ipuin dibertigarriek osatzen dute
ipuin sorta hau.
3 urtetik gorako umeentzat.
Martxoaren 16an, 11:30,
Zamudioko Udal Liburutegian.
Euskeraz.
Sarrera libre gela bete arte.
LEHENTASUNA: Zamudion erroldatuak
- “NESKA ETA MUTIL ABENTURAZALEAK” LEHIAKETA
4 urtetik
gorako umeei zuzenduta, “Neska eta mutil abenturazaleak” lehiaketa martxan jarri
dugu. Martxoan zehar, neska abenturazalei buruzko liburuak jasotzen dituzten
ume guztiek zozketa baten parte hartzeko aukera izango dute. Parte hartzen
dutenen artean “Zamudioko Liburudendan” gastatu beharreko 40 euroko txartela zozketatuko
da.
Horretarako,
partehartzaileek gida bat aurkituko dute.
Ipuinetako
printzesaren estereotipoa uztea da helburua. Neskak, mutilak bezala,
abenturazaleak izan daitezke, eta dragoien kontra borroka daitezke, eta
printzeak salbatu…
Zozketa publikoa izango
da, Apirilaren 8an, 18:00, Zamudioko Udal Liburutegian.
- “NESKA ETA MUTIL ABENTURAZALEAK” GIDA
Horretarako,lehiaketan
parte hartu ahal izateko, partehartzaileek gida bat aurkituko dute.
Ipuinetako
printzesaren estereotipoa uztea da helburua. Neskak, mutilak bezala,
abenturazaleak izan daitezke, eta dragoien kontra borroka daitezke, eta
printzeak salbatu…
- “BERDINTASUNAREN ATALA”
Zamudioko Udal Liburutegian,
“Berdintasunaren Atala” aurki dezakezu. Bertan, emakume eta berdintasunari
buruzko materiala dago. Apurka apurka, atal hau handitu nahi dugu.